Policia turke janë në kërkim të një bluze që besojnë se është e lidhur me lëvizjen e ndaluar të Gulenit dhe një përpjekje grusht-shteti vitin e kaluar.

Gjatë 10 ditëve të fundit, policia ka arrestuar rreth 30 persona që kishin të veshur bluzën e shkruar me fjalën “hero” mbi të.

“Disa ishin duke shkuar në një provim, të tjerë në kampuset universitare … Pothuajse të gjithë ata që mbanin këtë bluzë u përballën me policinë”, raporton CNN në Turqi duke shtuar se arrestimet po vazhdonin.

Arrestimet duket se kanë filluar pasi Gokhan Guclu, një ish-ushtar i akuzuar për pjesëmarrje në grusht-shtetin e dështuar të vitit të kaluar, mori pjesë në një seancë dëgjimorenë muajin korrik e ku kishte të veshur të njëjtën bluzë, transmeton Klan Kosova.

Qeveria turke ka akuzuar Fethullah Gulen dhe lëvizjen e tij islamike Gulen se qëndron prapa grusht-shtetit të korrikut të vitit 2016.

Ky grup tashmë konsiderohet si grup terrorist në Turqi derisa bluza po cilësohet si një shenjë mbështetje për gulenistët dhe grusht-shtetin.

Cila do që të jetë arsyeja, kjo bluzë më nuk është në shitje, e që më parë për 15 lira turke.